هُۆر گۆن رۆشنگریئے زَمانَگا مان اروپا و انسانا مان نۆکێن زمانگا مُنَک کَرار دَیَگ، بازێنے چه انسانی زندئے درۆشمان بَدَل بوت اَنت. رنسانسئے زاتی آسَر و انسانباوری هئیال دو چیزا پێش داشت: «دولتانی وَتواهی» و «پادشاهئے هُدایی هَکّ». گُڈا نۆکێن هئیالے هُکومتانی بارَوا دێما آتک. نۆکێن چاگِردئے تَها، مَردُم شَهروَند جاهیارَگ بوت اَنت و مَجبوریئے جاها هَکّدار زانَگَ بوت اَنت. هَمے بَدَلیان که مان انسانئے زِهنا آتک اَنت، بازێن مَدَنی بَدَلی و زُرمبشانے مان رۆنشینی جهانا پیداگ بوت. ای وَت مان رۆنشینی جهانا چاگِردی، زانتی و مالی دێمرَویا سَوَب بوت.
بازے چَه اے زرمبشان گۆن جنگ و جۆش هۆر بوتگ اَنت و بازێن نمونهاے چه تاریخی زرمبشان چۆ که پرانسئے، الجزایرئے، چینئے و ویتنامئے پێش دارنت که اێوکێن راه پَه هُکومتانی دێمئے اۆشتگا هَمے جنگ و جۆش اِنت و هر بَر هَم سۆبمَند بوتَگ. بَلِه هنون نۆکێن دنیائے چاگردانی دێم مان جهانی هر کُنڈا گێشتِر پَه هَما زَرمبَشان اِنت که گۆن مدنی ناپَرمانی هَمراه اَنت و چَه جنگ و جۆشا دور اَنت. اے چیز اِنت که مَرچی تاریخا جۆڈه کَنت. پَه دِلجَمی بیت که بِگوَشێن اے مَزَنێن بےجَنگ و جۆشێن زُرمبِشان دَهانی سیاسی جاوَران مان دنیائے مُلکان مان جهانئے هر کُنڈان بَدَل بوتَگ اَنت. اێرانا مان نۆک لۆٹێن زمانگا، بازێن چیزے چۆ مان اروپا درس وانَگ و گۆن رۆنشینی دێمرویان، «اێرانیانی آگاهی» سَوَب بوت اَنت و بازێن زرمبشانی چۆ که «مشروتَه زرمبشئے» بُنگێج کنۆگ بوت اَنت. اے زُرمبِشان گێشتِر گۆن سیاسی مَکسَد و اِستبدادی و پَهکلۆتێن دَولتانی دێما اۆشتگ پێداگ بوتگ اَنت.
هَمے رِدا دگه بےجَنگ و جۆشێن زُرمبِشان چۆ که «1357 زُرمبِش»، «سَبزێن زُرمبِش» و «جَنێن، زِند و آزاتیئے زُرمبِش» مان اێران هَم پێداگ بوت اَنت که هَما نۆکلۆٹی و دموکراسی لۆتَگئے دُنبالَگ اَنت.
هنّون دنیائے هر کُنڈا یَک چَولے چَه زۆرانسرییانی گێشتِر بَیَگا گِندگَ بیت. اے لێٹ کَنگ دێم پَه زۆرانسری اَلّما هَما چیزی که بازێنے چَه مَردُمی زُرمبِشانی مان دنیائے هَر کُنڈا سُکێن داتَگ که پَه دێمپانی چَه دموکراسی و اَوَلی اِنسانی هَکّان پاد آتکَنت. هَمے پێما تکنولوژی آسَر گێش بَیَگ مان اِنسانی زِندا و دیجیتالی زۆرانسری پێداگ بَیَگ وَت یَک نۆکێن نِگرانیئے سَوَب اِنت. دیجیتالی زمانَگ یک زاهرے چه اجتماعی هۆرییا جۆڈ کُرتَگ، بَلِه وَتواهێن واکانا پَه چارَگ و دارَگ و دێمپانی جۆڈ کَنَگ پَه سیاسی زِدّیَتان، وَتجانبی گَپّانی شِنگ کَنگ پَه زُرمبِشانی بےاَسَر کَنَگا کُمکَ کَنت.
مان چُشێن جاوَران، سَهیکَنَگا مَزنێن آسَرے پَه دموکراسیئے پُشتپانی مان زۆرانسری واکانی دێم پَه دێما هَست اِنت. گُڈا اے مُچّیئے زَهمت همێش اِنت که چه نۆکتِرێن بُنزِهان و پَٹّ و پۆلان مان بےجَنگ و جۆشێن زُرمبِشانی هَوزهها بَهر بزوریت و اے باروا اێرانئے بَهرزورۆکانَ مَدَت بدَنت.
بَهر زورگ چَه وَرنایێن پَدرێچئے پِگر و اَندێشان که اے وَرنایان گێشتِر رَند چَه اێرانئے سال 1357 انگلابا وَدی بوتَگ اَنت و دیجیتالی زِندئے کار و بارانا و جهانیبَیَگی زِندا گِهتِر سَرپَد اَنت و نۆکێن هَیالاتی پَه اے چیزانِش هَست، اے مُچّی اَسلی سُکێن دَیۆک اِنت. ما اێشیا هَم مَنّێن که تجربهکار و زانتکارێن مَردُمانی پِگر و اَندێشان مُدام اے باروا مئے گِهتِرێن راهدَربَر اَنت. مئے کۆشِش همێشاِنت که مان هال رسێنَگ، هَبَر شِنگ کَنَگ، مکالاتان و پَٹّ و پۆلان راستکار ببێن، چیا که پَه شَرّیَ زانێن که اێرانئے مدَنی چاگِرد چَه سالانی سال دُرۆگ و ٹَگّی، چیزانی مَزَن کنگ، زوتێن
گَرم گِرَگ، بےاَگلی و مَهلوکرێپێنۆکێن کوکّاران دَم بُرتَگ. پَدا هَم مئے کۆشِش هَمِێش اِنت که مئے بُنگَپّان هَما پِکری چیزانَ بَنت که پَه پۆلکاران سۆبمند بَنت و کارمرز کَنَگ بَنت.
ما را هَمے اُمێت اِنت که مئی کۆشِش، گواهے کَمُّک، یَک کُمَّکے په اێرانئے مَدَنی چاگِردا، و رۆژنێن آیندهاے جۆد کَنگ پَه اێرانا بِبیت.
