یازار: اریکا چنوئث
عومومی بیر یانلیش فیکیر، زوراکیلیق اولمادان دیرنیشین یالنیز بیر نئچه وضعيتده مومکون اولماسیدیر: ۱- قارشی طرف حرکاتی دایاندیرماق و یا مغلوب ائتمک اوچون چوخ ضعیف و یا گوجسوز اولدوقدا، ۲- کامپانییا اصلاحاتلار اوچون نیسبتاً آیدین طلبلر ایره‌لی سوردوکده، ۳- کامپانییا آزاد و آچیق سیاسی بیر سیستم تکلیف ائتدیگینده.
آما بو فیکیر یانلیشدیر. هم ضعیف، هم ده گوجلو رقیبلره قارشی مدنی دیرنیش کامپانییالاری ائتکیلی اولدو. مدنی دیرنیش کامپانییالاری اصلاحاتچی و رادیکال طلبلره نایل اولماقدا اوغورلو اولوب و بونو حتی موخالیفتین آچیق نومایشی‌نین دئمک اولار کی، قئیری-مومکون اولدوغو چوخ قاپالی سیاسی موحیطلرده ده ائدیبلر.
اصلینده، زوراکیلیق‌سیز اینقیلابین ائتکیلی اولماسی اونون معنوی دوزگونلویوندن داها چوخ سیاسی گوجوندن آسیلیدیر. بو جور حرکاتلارین تاریخینه نظر سالدیقدا، اونلارین اوغور و یا اوغورسوزلوغونو ایضاح ائدن دؤرد اساس عامل اورتایا چیخیر.
توپلومون بوتون طبقه‌‌‌لریندن اولان گئنیش قاتیلیم مدنی دیرنیش کامپانییالاری‌نین اوغورونا ائتکی ائدن ان اؤنملی عامل اونلارین خالقین ایشتیراکی‌نین میقیاسیدیر. کامپانییانین ایشتیراکچی بازاسی نه قدر بؤیوک و چئشیدلی ایسه، اونون اوغور قازانما اِحتیمالی بیر او قدر یوکسکدیر. کوتلوی ایشتیراک سیستمی جدی شکیلده پوزاجاق و داواملی باسقیلار قئیری-مومکون ائده‌جک. سیستم طرفدارلاری‌نین (اؤزللیکله ده چوخلو گوونلیک گوجلری‌نین) قوروملاردان قاچماسینا سبب اولور؛ و گوج صاحبی‌نین سئچیملرینی محدودلاشدیریر. گئنیش‌میقیاسلی کامپانییایا سیاسی باخیمدان گؤز یومماق مومکون دئییل. رئژیمله امکداشلیقدان ایمتینا ائتمک و گونده‌لیک حیاتی پوزماق اوچون بیرلیکده ایشله‌ین چوخلو سایدا دینج اینسانلاری سیخیشدیرماق ان آمانسیز موخالیفت اوچون بئله چتیندیر. اؤزللیکله ده کامپانییانین چئشیدلی اوصول و یاناشمالاری اولدوقدا.
مدنی دیرنیش کامپانییالاریندا ایشتیراک ائدن اینسانلار ایسته‌نیلن طبقه‌‌‌دن اولا بیلر. اصلینده، مدنی دیرنیش‌نین گئیش ایچریگی زوراکیلیق‌سیز تدبیرلرین بو قدر اوغورلو اولماسی‌نین اساس سببیدیر. زوراکیلیق‌سیز حرکت گرگین فیزیکی حاضرلیق، ائودن و عائله‌‌‌دن اوزاق سفرلر و یا رقیبلره قارشی زوراکیلیق تطبیق ائتمک اوچون قئید-شرطسیز راضیلیق طلب ائتمه‌ین عدالتسیزلیکله موباریزه یؤنتمیدیر.
بئله‌لیکله، زوراکیلیقلا موباریزه کامپانییالارینا داها چوخ قادینلار، آزلیقلار، اوشاقلار، قوجالار، علیللر، زوراکیلیغا معنوی باغلیلیغی اولان اینسانلار، آزیاشلی اوشاقلارین والیدئینلری، تجرید اولونموش قروپلار و سلاحلی موباریزه‌ده کؤنوللو اولماق مجبوریتینده قالمایان باشقا شخصلر داخیلدیر. نتیجه اعتباری ایله، زوراکیلیق‌سیز حرکتلر سلاحلی موباریزه‌دن داها چوخ اینسانی جلب ائده بیلر.
بیر حرکاتین حیاتین بوتون طبقه‌‌‌لریندن اولان کوتله‌لری نئجه جلب ائده بیله‌جیی، سوسیولوق داگلاس مک‌آدامین “ایدراک آزادلیغی” آدلاندیردیغی شئیی احاطه ائدیر. چوخ سایدا اینسانین کوللئکتیو شکیلده بؤیوک بیر عدالتسیزلیگین باش وئردیگی و دورومو ديیشدیرمک و بونونلا اوز‌لشمک اوچون حرکته کئچمه‌لی اولدوقلاری قناعتینه گلدیگی بیر سورجدیر. دییشیکلیگین کوللئکتیو سببی اودور کی، اونلار آرتیق عدالتسیزلیکدن خبرسیز اولدوقلاری و یا ریسک ائتمکدنسه، دؤزمک ایسته‌مه‌دیکلری بیر دؤوره قاییدا بیلمزلر.
رئژیم طرفدارلاری‌نین صداقتلری‌نین ديیشمه‌سی
مدنی دیرنیش آشاغیدان کیفایت قدر گوجو سفربر ائتمکله ایشله‌ییر کی، یئرلی مدنی توپلوم حاکیميتده اولانلارین پروقرام و سیاستلری‌نین حیاتا کئچیریلمه‌سینه جاواب‌ده اولان شخصلرین ایشینی جدی شکیلده پوزا بیلسین. بو، بیزی ایکینجی اساس عامله آپاریر: حرکاتین دوشمنین دستک سوتونلاریندا اینسانلارین صداقتینی ديیشدیرمک قابیلیتی.
دستک قروپلاری‌نین دایره‌سی نه قدر گئنیش اولارسا، حرکاتین چئشیدلی ائتکی الانلارینا مالیک توپلومون داها دولغون الانینی تمثیل ائتمه احتیمالی بیر او قدر یوکسکدیر کی، بو دا موخالیفتین دستک سوتونلاریندا اولان اینسانلارا چاتماغین داها چوخ یوللاری دئمکدیر.
حاضرکی دورومدا دراماتیک شکیلده ائتکی ائده بیله‌جک سوسیال گوجو قیمتلندیرمه‌مک چوخ اؤنملیدیر. حتی سیاسی سیستمه ائتکی ایمکانلاری‌نین اولمادیغینی حیس ائدن اینسانلار بئله سوسیال گوجه مالیکدیرلر. هر کسین باشقالاری‌نین داورانیشلارینا مئیدان اوخویا و یا ائتکی ائده بیله‌جیی ان آزی بعضی علاقه‌‌‌لری وار.سوسیال بینمه و بیه‌نیلمه‌مه اینسان داورانیشینا گوجلو ائتکی گؤستریر. عائله عضولری، دوستلار، هم یاشیدلار و قونشولارلا راضیلیغی و یا آسان موناسیبتلری ساخلاماق ایستیی حتی رئژیمده اولانلاری دا آرتیق سیستمی دستکله‌یه بیلمه‌یه‌جکلرینه ایناندیرا بیلر. ایستر اؤن جبهه‌دکی پیادالار، ایسترسه ده استرتژینی حاضرلایان زنراللار، دیپلوماتلار و یا الکتریک انرژیسی پایلاما سیستمینده ایشله‌ینلر اولسون، هر سویه‌‌ده اینسانلار سوسیال موحیطه و رئژیمین اساس حیصه‌‌‌سی‌نین موناسیبتینه ائتکی گؤستریر.
رژیمین اساس شخصیتلری و صادقلرینی جلب ائتمه‌یه مووفق اولان حرکاتلارین اوغور قازانما احتیمالی اولمایان حرکاتلاردان داها چوخدور. بو صداقتلرین ديیشدیریلمه‌سی رقیبلرین اورگینه یازیغی گلمیی و یا اخلاقا موراجعت ائتمیی طلب ائتمیر، عکسینه، چوخ واخت اساس اقتصادی و یا بیزنس الیتی‌نین پول کیسه‌سینی زده‌‌له‌مک، اساس حربی و یا گوونلیک مامورلاری‌نین تیجاری و یا پئشه‌کار ماراقلارینی تهدید ائتمک و یا ساده‌جه اولاراق گوجلو رقیبلری اؤلکه داخیلینده حاشیه‌یه سالماق دئمکدیر. کوللئکتیو سیاسی مؤوقئلرین ديیشمه‌سینی آنلاماغا باشلایان اصلاحاتچی الیتلرین رژیمی.
بونونلا بئله، هر کامپانییانین اؤز اؤزللیکلری وار. مثلا، یوکسک عرقچی و یا ائتنیک جهتدن بؤلونموش توپلوملاردا، عادتاً ایمتیازلی ائتنیک و یا عرقی قروپو تمثیل ائدن گوونلیک گوجلرینی ایناندیرماق مومکون اولمایا بیلر. آیریجا، بیر چوخ رژیملر گوونلیگی تعمین ائتمک اوچون خاریجیلری و یا موزدلولاری ایشه گؤتورمکله پولیس، اوردو و باشقالاری‌نین قاچماق ریسکیندن اوزاق دورماغا چالیشیرلار. بونونلا بئله، اقتصادی و بیزنس الیتلر کیمی باشقا اساس قروپلارین وفادارلیغی، اگر اینسانلارین گوجو اونلارا کیفایت قدر خرجلر قویورسا، چوخ واخت سارسیلا بیلر.
هم ده گؤرونور کی، حرکتلرین اوغورسوزلوغونون ان عومومی سببی حرکتلرین اساس سیستم طرفداری قروپلاری مغلوب ائده بیلمه‌مه‌سی و ديیشمه‌یه مجبور اولماسیدیر. بو عادتاً اونا گؤره اولور کی، رژیمین طرفدارلاری اونون دؤزمک قابیلیتینه اینامینی هئچ واخت ایتیرمیر و یا حرکاتین یاراتماغا چالیشدیغی توپلومون چیچکلنمه‌سینی تصوور ائده بیلمیر. آیریجا، بیر رژیم طرفدارلاری اونا صادق قالا بیلرلر، چونکی گوجلو اولوسلارآراسی موتفیقلر رژیمی دستکله‌میشلر.
چئشیدلی تاکتیکلردن ایستیفاده
چئشیدلی تاکتیکلردن ایستیفاده ائدن حرکاتلارین اوغور قازانما احتیمالی، اعتراض و یا نومایشلر کیمی بیر متدا چوخ آرخالانان حرکاتلاردان داها یوکسکدیر. یئنی و گؤزله‌نیلمز تاکتیکلر حاضرلاماق اوچون بؤیوک اینسان سرمایه‌سیندن ایستیفاده ائدن زوراکیلیق‌سیز‌لیق کامپانییالار بو حرکتی ساخلاماقدا اؤن گؤرولن و تاکتیکی جهتدن دایانیقلی اولان حرکتلردن داها یاخشی سونوج وئریر. عمومیتله، گؤرونن اودور کی، چئشیدلی تاکتیکلر آراسیندا اقتصادی امکداشلیق ائتمه‌مک رژیمه درحال و بیرباشا خرجلر قویدوغو اوچون چوخ ائتکیلی ایشله‌ییر.
اینتیظام و باسقییا قارشی دیرنیش
حرکتلر دایانما گوجونو گلیشدیرمکده اوغور قازانیر. بو، دؤولت اونلاری زوراکیلیقلا باتیرسا بئله، دؤزوملولویو گلشیدیرمک، آسایشی قوروماق و کوللئکتیو ایشتیراکین داوام ائتدیریلمه‌سی دئمکدیر. ان اساسی اودور کی، حرکات رژیمین حرکتلریندن باشقا ایسته‌نیلن شرایطده موتشکیل قالا بیلسین. بو مقصده نایل اولماقدا اوغور قازانان حرکاتلار عادتاً آیدین تشکیلاتی آلت یاپییا مالیکدیرلر. لیدر حبس اولونارسا، اؤلدورولرسه و یا اوزاقلاشدیریلارسا، اونلارین واریثینی ديیشدیرمک پلانلاری و باسقیلارین شدتلندیگی زامان نئجه جاواب وئریله‌جیی ایله باغلی احتیاط پلانلاری وار. بو پلانلار آیریجا چوخلو سایدا اینسانی، حتی آتش آلتیندا ساخلاماغی دا احاطه ائدیر، چونکی چوخ چئشیدلی حرکاتین یاتیریلماسی رژیمه عکس سونوج وئره بیلر. رژیملر اوچون بوتؤولوکده توپلومون تمثیلچیسی کیمی قبول ائدیلمه‌ین داها کیچیک میقیاسلی اهالی ایله موقایسه‌‌ده اساس و یا حتی رژیمین توپلومسال دایره‌لرینه یاخین ساییلان مدنی شخصلری هدفه آلماقلا مشغول اولماق داها چتیندیر (مومکون اولماسا دا). بوندان علاوه، پولیس و حربی قوه‌لر نادیر حاللاردا فردلره، او جومله‌‌‌دن اونلارین اوشاقلاری و عمی‌اوغلولاری، موحاسیبلر، کئشیشلر و یا ایماملارا قارشی زوراکیلیق تطبیق ائتمه‌یه چاغیریلیر. باسقیلارین عکس سونوج وئرمه‌سی پتانسیلینه گؤره، زوراکیلیق‌سیز کامپانییالار، حتی رئژیم زوراکیلیغا مروز قالمایان ایشتیراکچیلارا فعال هوجوم ائدیب اونلاری اؤلدورسه بئله، زوراکی کامپانییالاردان داها اوغورلو اولا بیلر. اصلینده، ۱۹۰۰-جو ایلدن ۲۰۱۹-جو ایله قدر شدتلی باسقیلارلا اوزلشن ماکسیموم زوراکیلیق‌سیز کامپانییالاری یوزده ۴۵، زوراکی کامپانییالار ایسه یالنیز یوزده ۲۲ اوغور قازانیب.
بو دؤرد عاملین هر بیری – گئنیش میقیاسلی قاتیلیم، ديیشن صادقلیک، تاکتیکی یئنیلیک و باسقیلارا داواملیلیق – حرکات یاخشی تشکیل ائدیلدیکده و اوزون موباریزه‌یه حاضر اولدوقدا داها آسان ایداره اولونور. کوتلوی زوراکیلیق‌سیز اینقیلابلا قارشیلاشدیقدا بیر چوخ رژیمین نه قدر تئز داغیلماسینا هئچ واخت آلدانمایین. موتشکیل و تشکیل ائدیلمیش کامپانییالار چوخ واخت کوتلوی سفربرلیکدن اؤنجه آیلار و یا ایللرله داوام ائدن پلانلاشدیرما و تشکیلاتلانمانی ایزله‌ییر.
اوغورلو مدنی دیرنیش کامپانییالاری‌نین فورمالاشما زمینلری
اوغورلو زوراکیلیق‌سیز کامپانییالار نادیر حاللاردا بیردن بیره و اوز باشینا اولور. اونلار واخت، چابا و پلانلاشدیرما طلب ائدیر. اصلینده، اوغورلو زوراکیلیق‌سیز کوتلوی سفربرلیک، کوتلوی فعالیته باشلامازدان اؤنجه حرکاتلارین پلانلاشدیردیغی، تعلیم کئچدیگی و استراتژی حاضرلادیغی مرحله‌‌‌لری سایماساق، اورتالاما اون آلتی آی چکیر. لاکین بو، بئش ایلدن چوخ داوام ائدن اورتا اوغورلو زوراکیلیق کامپانییاسیندان چوخ قیسادیر.
مدنی دیرنیشین اوغور قازانماسی اوچون کامپانییالار گئنیش، یئنیلیکچی و داواملی اولمالی و رژیمی دستکله‌ین ایجمالارا سیاسی غرضلرین دؤنمز شکیلده ديیشدیگینی و قروپ ديیشدیریلمه‌سی‌نین اونلارین اوزون‌موددتلی ماراقلارینا اویغون اولدوغونو نومایش ائتدیرمه‌لیدیر. اؤلچو، بیرلیک، یارادیجی تاکتیکی یئنیلیک و آیریلیق یولو ایله ائتکی گوجو زوراکیلیق‌سیز دیرنیشین کامپانییالارینی اوغورلو ائدیر.
زوراکیلیق‌سیز دیرنیشین یالنیز دِموکراتیک توپلوملارد، گلیشمیش اؤلکه‌لرده و یا داها لیبئرال مدنيتلرده ائتکیلی اولماسی دا دوغرو دئییل، چونکی تاریخاً سیویل دیرنیش تامامیله قئیری-دِموکراتیک زمینلرده فورمالاشیب. فردی اعتراضلار دینج توپلاشماق حوقوقونو دستکله‌ین دموکراسیلرده داها چوخ اولا بیلسه ده، اعتراضلار حرکاتلارلا عینی دئییل و دموکراتیک اؤلکه‌لرده کوتلوی حرکاتلار اوتوکراسیدن داها ائتکیلی دئییل. بیرینجیسی، اونا گؤره کی، دموکراتیک اؤلکه‌لرده اینسانلار آرتیق سئچکی آدلانان سیاسی تضییق پنجره‌سینه مالیکدیر و بو، اونلارا حاکیميته و اونون سیاستینه تضییق ائتمک ایمکانی وئریر. سئچکیلرین کئچیریلمه‌دیگی و یا ساختالاشدیریلدیغی اتوریتر رژیملرده اینسانلارین اؤز اعتراضلارینی بیلدیرمه‌لری‌نین تک یولو کوتلوی سفربرلیکدیر.
ایکینجیسی، اتوریتر رژیملر زامانی تئز-تئز حرکاتلار گلیشیر، او زامان بو رژیملر یاواش-یاواش اؤز مشروعیتنی ایتیریر. بیر دیکتاتور نه قدر اوزون مدت داوام ائدرسه، وطنداشلارین عینی دیکتاتورلا (یا دیکتاتورلوق سیستمی) عینی‌لشدیریلمه‌سی بیر او قدر آسان اولار. و اونلار کوللئکتیو شکیلده راضیلاشیرلار کی، او اولمالیدیر. دموکراتیک اؤلکه‌لرده ایسه حرکاتلار فردلره داها آز، ديیشدیرمک ایسته‌دیکلری سیاست و سیستملره داها چوخ دقت یئتیریرلر. لاکین بو حرکاتلار موذاکیره اولونان اقتصادی، سوسیال و سیاسی سیاستلر آراسیندا هانسی اصلاحاتلارین داها چوخ ضروری اولدوغو باره‌ده راضیلیغا گلمکده چتینلیک چکیرلر. سونوجدا، دموکراسیلرده تئز-تئز بیر-بیری ایله رقابت آپاران چئشیدلی ماراق قروپلاری اولور.
ائله‌جه ده مدنی دیرنیشین داها چوخ اولدوغو اؤزل بیر مدنيت یوخدور. مدنی دیرنیش یالنیز باتی‌نین لیبرال ديرلریندن و یا یهودی-مسیحی اینانجلاریندان ایره‌لی گلمیر. بوتون اساس دونیا دینلرینده مدنی دیرنیش اوچون کیفایت قدر اساسلاندیرما تعمین ائدن متنلر و تجروبه‌لر، هابئله اوندان ایستیفاده ائدن دینی آردیجیللارین نومونه‌لری وار.
آیریجا، بیر چوخ حرکاتلار قونشو اؤلکه‌لرین اوغورلارینی تکرارلاماغا چالیشیرلار. آنجاق بیر اؤلکه‌دکی فعاللار – قونشو اؤلکه‌لره نه قدر ائتنیک و یا دینی یاخین اولمالاریندان آسیلی اولمایاراق – قونشولاری‌نین چابالارینی تکرارلایا بیله‌جکلرینی دوشوننده، چوخ واخت اوغورسوز اولورلار. چونکی دیکتاتور حؤکومتلر ده عینی اؤلکه‌لرده‌کی حرکاتلاردان درس آلاراق اؤزلرینی حاضرلاییرلار.
آیریجا، بؤلوجو و آنتی-موستملکچیلیک حرکاتلارینا اولوسلارآراسی دستک، اؤزللیکله ده دیپلوماتیک تانینما چوخ واخت چوخ اؤنملیدیر. حؤکومتین عوموم‌دونیا تانینماسی اولمادان، بؤلوجولوک کامپانییالاری پراکتیکی اولاراق قالیب گلمه‌دی.
ائتکیلی مدنی دیرنیش کامپانییالاری اوچون بیر فورمول وارمی؟
یقین کی، ائورنسل فورمول یوخدور. هر بیر اؤلکه، هر بیر وطنداش، هر غضب اؤزونه‌مخصوصدور. بونونلا بئله، اوغورلو کامپانییالار آراسیندا آردیجیل گؤرونن اؤنملی نومونه‌لر تاپیلا بیلر.
اؤنملی مدللردن بیری میلی حؤکومتلری دییشدیرمک اوچون لازیم اولان کریتیک کوتله‌نی یاراتماقدیر. اؤلکه اهالیسی‌نین یوزده اونو بیر حرکته قاتیلدیقدان سونرا هئچ بیر حرکات اوغورسوزلوغا دوچار اولمامیشدیر. اکثر حرکتلر یوزده ۳.۵ سفربر ائتدیکدن سونرا اوغور قازانیر.
یوزده ۳.۵ قایداسینا گؤره، اهالی‌نین یوزده ۳.۵ دؤیوش، کوتلوی نومایش و یا امکداشلیق ائتمه‌مه‌نین باشقا فورملاری کیمی گؤرونن حادثه‌‌‌لرده فعال ایشتیراک ائتدیکده هئچ بیر اینقیلاب اوغورسوزلوقلا نتیجه‌لنمه‌میشدیر. اهالی‌نین یوزده ۳.۵ بیر سببله حرکته کئچمه‌سینه نایل اولماق، دئمک اولار کی، اینسانلارین چوخونون بو ایشی دستکله‌دیگینی گؤستریر. بئله اؤنملی بیر آزلیغین کوچه‌لره چیخماسی، یقین کی، حرکاتین خالق دستیی‌نین سببی دئییل، نتیجه‌سیدیر. لاکین بو قایدا کئچمیش آراشدیرمالاردان ایره‌لی گلیر و گله‌جک حرکتلر اوچون پراکتیکی تأمینات دئییل.
اوغورلو مدنی دیرنیشین تشکیلی
ائتکیلی مدنی دیرنیشی نئجه تشکیل ائتمک باره‌ده هله ده عومومی فیکیر یوخدور. بعضی اوغورلو مدنی دیرنیش حرکاتلاری حرکاتا بؤیوک چتینلیکلرین عهده‌‌سیندن گلمه‌یه یاردیم ائدن مقبول لیدرلییه مالیک اولوبلار. بو لیدرلر کوللئکتیو باخیشی بللی ائدیر، گؤزلنتیلری بؤلوشور و حرکت نورمالارینی تطبیق ائدیر، اجتماعی ایلیشگینی کوردینه ائدیر، استرتژیک قرارلار قبول ائدیر، حرکات آدیندان دانیشیقلار آپاریر و سؤوده‌لشمه آپاریر.
تاکتیکی اولاراق، اگر حرکاتین آچیق آشکار لیدری یوخدورسا، حؤکومتلر حرکاتین لیدرینی حبس ائتمکله آرادان قالدیرماق و یا سیزما یولو ایله اونو دئویرمکده داها چتین آنلار یاشاییرلار. ایدئولوژی جهتدن لیدرسیز حرکاتلار، حقیقتاً، ظالیم یاپیلار، هییاررشی و فسادا قارشی موباریزه آپاران اینسانلارا موراجعت ائده بیلر.
لاکین دیرنیشه لیدرسیز یاناشما بعضی بؤیوک اوزون‌موددتلی استراتژیک عهده‌‌لیکلر داشیییر، اؤزللیکاه ده حرکاتلار بیر چوخ قروپلاری و ائتکیلی فعالیت طلبلرینی علاقه‌‌‌لندیره بیلن تشکیلاتی فورما یاراتماق و ساخلاماق اوچون بیر یول تاپمیرسا. بیرینجیسی، دانیشیقلار، توپلوما ایله‌تیشیم، اتفاق قورماق و یا استراتژی اولاراق وظیفه‌‌‌لر بللی شخصلر آراسیندا بؤلونمزسه، حرکاتلار ایمتیاز وئرمک ایسته‌ین رقیبلرله دانیشیقلار آپارا بیلمز.
ایکینجیسی، لیدرسیز حرکاتلار خالق ایله علاقه‌‌‌لی بؤحرانلارینی یؤنتمکده داها چتینچیلیک چکیرلر.
اوچونجوسو، لیدرسیز حرکاتلار باشقا قوروملارلا ایش ایلیشگیلری قورماقدا چتینلیک چکیرلر کی، بو دا حرکاتین طرفدارلارینی گئنیشلندیرمک و موخالیفتی آرادان قالدیرماق اوچون اؤنملیدیر.
دؤردونجوسو، حرکتلر عادتاً استراتژیک قرارلاری قیمتلندیرمک، یولو ديیشمک و یئنی ایستیقامتلرده حرکت ائتمک اوچون متدلارا احتیاج دویورلار. لیدرسیز حرکاتلار قیسا مدتده دوغاچلاما ائده بیلر، آنجاق تاکتیکی ديیشدیرمک و یئنی پلانلار ایله‌تمه یئتکیسینه مالیک بعضی راضیلاشدیریلمیش مرکزی اورقانلار اولمادان، حرکاتلار اوغور قازانماق اوچون لازیم اولان نیظام-اینتیظامی، آردیجیللیغی و کوردیناسیونو قوروماق اوچون موباریزه آپاراجاقلار.
لیدرسیز دیرنیش حاکیميته اینامسیزلیق ائدنلر اوچون ایدئولوژی جهتدن جلب‌ائدیجی اولسا دا، هر هانسی مدنی دیرنیش جهدی اوچون جدی استراتژیک چاتیشمازلیقلار داشیییر. بو او دئمک دئییل کی، بوتون کامپانییالار سرت هییاررشی و یا یوخاریدا تک لیدرلر طلب ائدیر. لاکین اونلارین ائتکیلی اولماسی اوچون بیر نؤوع لیدرلیگه، کوردیناسیون و تشکیلاتا احتیاجی اولاجاق.
بوگونکو حرکاتلار فردی لیدرلیک مدللریندن اوزاقلاشاراق، اونون یئرینه اؤن صفده‌کی فعاللار ایله آکتیو کوردیناسیون و اونلارا جاواب وئرمه‌یه اوستونلوک وئرن فدرال و اتفاق یاپیسینی قبول ائدیبلر. آیریجا بئله بیر فیکیر بیرلیگی وار کی، اگر حرکات گئنیش کوتله‌لری جلب ائتمک ایسته‌ییرسه، بیر شخصیته چوخ گوونمه‌مک داها یاخشیدیر.
